Á þessari síðu fer fram eftirgrennslunarnám (PBL = Problem Based Learning)
í samvinnu allra þáttakenda í námskeiðinu. Þáttakendur eru beðnir að velta fyrir sér eftirfarandi vandamálum og spurningum og leita svara við þeim á Netinu, á bókasöfnum eða hjá einstaklingum sem hafa reynslu af móðurmálskennslu erlendis. Vinsamlegast sendið inn niðurstöðurnar af eftirgrennslan ykkar hér.
Þær verða síðan birtar á þessari síðu. Sendið einnig inn nýjar spurningar,
tillögur að umræðuefnum, greinar og ábendingar um fleiri tengla og rit.

Móðurmálskennsla barna í framandi málhverfi er að mörgu leyti frábrugðin móðurmálskennslu barna, sem hafa opinbert tungumál viðkomandi lands að móðurmáli. Kennslufræði slíkrar kennslu er varla mótuð enn. Engu að síður hefur safnast nokkur reynsla meðal starfandi kennara. Þessari reynslu hefur
verið miðlað munnlega milli félaga á þingum Skruddu.

• Hvaða aðferðir geta komið að notum við kennslu aldursblandaðra hópa?
• Hvaða kröfur þarf að gera til námsefnis fyrir nemendur í framandi málhverfi?
• Er hægt að nota sömu námsgögn og í íslenskum skólum við  móðurmálskennslu erlendis?
• Hvaða aðferðir geta komið að gagni við þjálfun í munnlegri tjáningu fyrir nemendur í framandi málhverfi?
• Hvaða aðferðir geta komið að gagni við ritun í framandi málhverfi?
• Hvaða lesefni hentar best íslenskumælandi nemendum erlendis?
• Hvaða fyrirkomulag er vænlegast til árangurs; að kenna móðurmál einn tíma á viku, einn heilan dag á mánuði eða einn mánuð á ári (t.d. í sumarbúðum).
• Hvers konar samstarf er hægt að hafa við skólakerfið í dvalarlandinu?
• Hvers konar samstarf er hægt að hafa við íslenska skólakerfið?
• Hvað mynduð þið ráðleggja foreldrum að gera til þess að auðvelda þeim að viðhalda móðurmáli barna sinna í framandi málhverfi?

Crawford, James: Bilingual Education History, Politics, Theory and Practice

Menntamálaráðuneytið - Skrudda (1995): Ábendingar um hentug námsgögn
Menntamálaráðuneytið - Skrudda (1995): Um íslenskukennslu erlendis á
                                                             grunnskólastigi  Leiðarvísir

Paulin,Arja; o. fl.(1993):  Mer än ett modersmål Hemspråksdidaktik
                                      Stockholm HLS Förlag Skolverket