Á þessari síðu fer fram eftirgrennslunarnám (PBL = Problem Based Learning)
í samvinnu allra þáttakenda í námskeiðinu. Þáttakendur eru beðnir að velta fyrir sér eftirfarandi vandamálum og spurningum og leita svara við þeim á Netinu, á bókasöfnum eða hjá einstaklingum sem hafa reynslu af fjarnámi. Vinsamlegast sendið inn niðurstöðurnar af eftirgrennslan ykkar hér. Þær verða síðan birtar á þessari síðu. Sendið einnig inn nýjar spurningar, tillögur að umræðuefnum, greinar og ábendingar um fleiri tengla og rit.

• Hver er mikilvægasti munurinn á fjarnámi og hefðbundnu skólanámi?
• Hvaða kröfur þarf að gera til námsgagna fyrir fjarnám?
• Er hægt að nota námsgögn fyrir almenna skólakennslu í fjarnámi?
• Hvernig er best hægt að fá nemandann til að stefna að ákveðnum markmiðum þegar kennslan byggist á sjálfsnámi?
• Hvaða aðferð er best til að halda áhuga nemandans vakandi í fjarnámi?
• Hvaða vandamál og möguleikar koma fram við námsmat í fjarnámi?
• Er fjarnám keppinautur eða hjálpartæki við staðkennslu?
• Hvaða áhrif hefur fjarnám á þróun þjóðfélagsins?
• Hvaða áhrif hafa tungutæk upplýsingatækni og þýðingaforrit fyrir mælt mál á móðurmálskennslu, nýbúakennslu og almenna tungumálakennslu?

TÍNT ÚR NETINU:

Frá  Jólaráðstefnu 98
 Tungutækni
(Ráðstefna, haldin í samvinnu við EUROM
Grand Hótel Reykjavík, 4. desember 1998)

"Tungumál eru að breytast frá því að vera eingöngu rit- og talmál í það að verða einnig tölvutæk. Tungutækni snýst um að gera mál tölvutækt en þá ráða vélar og hugbúnaður við tungumál hvort heldur er í rituðu eða töluðu máli.
Tungutækni er lykillinn að komandi notendaskilum vél- og hugbúnaðar, þar sem samskiptin verða
sniðin að þörfum mannsins, en ekki getu vél- og hugbúnaðarins eins og nú er. Íslensk fyrirtæki sem
vinna að þróun vél- eða hugbúnaðar, sem þarfnast mannlega afskipta, verða að tileinka sér þessa
nýju hugsun og tækni til að verða ekki steinrunnin í náinni framtíð. Tungutækni er kominn til að vera og íslendingar verða að nýta sér hana hvort sem hægt verður að nota íslensku í henni eða ekki. Hröð þróun hefur verið í tungutækni hin síðari ár og mjög frambærilegar lausnir eru fáanlegar fyrir stærri málsvæði. Lausnir fyrir ensku eru þar í fararbroddi en önnur tungumál eru ekki langt undan."
--------
"Hver er staða íslenskunnar? Er ásættanlegt að íslenskan verði bara rit- og talmál í framtíðinni? Er vilji til að gera hana að tölvumáli? Hvaða verkfæri eru nauðsynleg? Hvert er hlutverk stjórnvalda? Hvernig tengist tungutækni iðnaði og viðskiptum? Tungumál sem ekki kemst inn í þær tungutæknilausnir sem eru ríkjandi á markaðinum mun daga uppi sem tal- og ritmál. Það tungumál verður ekki tölvutækt og því hvorki notað í daglega lífinu né í viðskiptum í upplýsingasamfélaginu. Hvað er til ráða?"