Ísafjörður
| Ísafjörður er stærsti kaupstaðurinn á Vestfjörðum. Hann er á mjórri eyri við Skutulsfjörð við Ísafjarðardjúp. Þar búa yfir 3000 manns. Á Ísafirði er góð höfn. Mörg fiskiskip og farskip koma þangað. Á Ísafirði er líka skipasmíðastöð. |
 |
 |
Fjöllin fyrir sunnan Skutulsfjörð eru mjög há, um það bil 900 metrar. Þar sem Ísafjörður er nálægt heimskautsbaugnum, skyggja þau á sólina í desember og janúar. Þegar sólin sést aftur í lok janúar, halda Ísfirðingar hátíð, sem heitir sólarkaffi. Þá borða þeir rjómapönnukökur. |
| Margir Ísfirðingar vinna með fisk. Annað hvort veiða þeir fisk, eða vinna úr fiskinum vörur, sem eru fluttar út til annarra landa. Margt fólk frá öðrum löndum kemur líka til að vinna með fiskinn. Fiskvinnsla er erfið vinna. Margir vinna hratt til að fá bónus. Þeir vilja fá mikla peninga til að kaupa sér hús, eða nýjan bíl |
 |
 |
Sjómennirnir eru úti á sjó í marga
daga til að veiða fisk. Þeir vinna mikið og fá
mikla peninga sem þeir nota til að kaupa hús og bíla.
Þegar þeir eru í landi, fara þeir á ball.
Íslendingar borða oft fisk. Það eru til margar tegundir af fiski í búðunum og hann er ódýr og góður. |
| Fyrir ofan Ísafjörð er dalur, sem heitir Seljalandsdalur.
Þar eru háar hlíðar og mikill snjór á
vetrum.
Þar er skíðaland Ísfirðinga. Margir koma líka frá öðrum stöðum til að fara á skíði. Ísfirðingar eru gott skíðafólk og þeir hafa oft unnið í alþjóðlegum skíðakeppnum. |
 |
 |
Það er flugvöllur á Ísafirði og það
eru flugferðir þangað daglega. En fluvöllurinn er í
þröngum dal milli hárra fjalla. Flugmennirnir segja,
að það þurfi að lenda þar með skóhorni.
Þegar það er hvasst, geta flugvélar ekki lent á Ísafirði. Stundum verða menn veðurtepptir á Ísafirði dögum saman. Algeng spurning á Ísafirði er: "Er flogið í dag?" |
| Á Ísafirði eru góð bakarí, sem baka brauð, kökur, súkkulaðisnúða og margt annað gott. Á bolludag baka þau rjómabollur. Börnin vakna snemma á bolludag og flengja foreldra sína með bolluvendi, sem þau hafa búið til úr skrautpappír. Þau fá eina rómabollu fyrir hvert högg, sem þau geta slegið áður en foreldrarnir vakna. (Bolludagur er síðasti mánudagur fyrir páskaföstu.) |
 |
 |
Fyrir 100 árum síðan var Ísafjörður næst stærsti kaupstaður á Íslandi, og á tímabili stærri en Reykavík. Á nítjándu öld bjuggu margir Danir og Norðmenn á Ísafirði, og eldra fólk notar enn nokkur dönsk orð. Þetta aldamótahús var fyrsta fjölbýlishúsið á Íslandi. Það heitir Félagsbakaríið. Í því eru ennþá íbúðir og bakarí. |